Chapter 24: Leukemia

PALIBAN NA SANA si Vivienne sa kabilang kalsada nang biglang dumating ang humahangos na sasakyan. Muntikan na siya nitong mahagip at mabuti na lang ay nakaiwas siya agad. Pero ang sasakyan, dire-diretso hanggang sa sumadsad iyon sa poste kaya naman nagasgas iyon.

Pagkahinto ng kotse, lumabas doon ang isang babae at tiningnan ang estado ng kaniyang sasakyan. At doon ay bumakas agad ang galit nito nang makitang napinsala ang sasakyan niya. Humarap ito kay Vivienne, at matalim na tingin ang ipinukol nito bago ito naglakad palapit.

“You scratched my car!” hiyaw ng babae kay Vivienne at walang pagdadalawang-isip na sinampal siya.

Sa gulat ni Vivienne, napaatras siya bago sinapo ang pisnging sinampal ng antipatikang babae.

“Alam mo ba kung gaano kamahal ang kotseng iyon tapos magagasgas lang nang dahil sa iyo?! Baka kahit ipagbili mo iyang katawan mo, hindi mo kayang bayaran ang kotse ko! Tanga ka!” bulyaw ng babae sa kaniya.

“Bakit mo sinisisi sa akin ang hindi mo pagiging maingat? Liliban