Chapter 22: The Visitor

HABANG MASAYA ANG mga kaibigan ni Rogue sa loob ng villa, nasa labas siya—nakaupo sa duyan habang hawak ang isang bote ng beer. Nakatingala siya sa kalangitang punong-puno ng mga bituin habang malalim ang iniisip.

Hating-gabi na pero maririnig pa rin ang mga malalakas na boses ng mga kaibigan niya sa loob. Naghahalakhakan sila habang si Rogue ay may sariling mundo. Bachelor party pala ng isa sa mga kaibigan ni Rogue, si Ashton na ikakasal na sa isang linggo. Nandito silang magkakaibigan ngayon sa private villa ni Ashton upang ipagdiwang ang huling gabi ni Ashton na kasama sila bago ito pumasok sa buhay may asawa lalo pa't buntis na rin ang fiancee nito.

Nagpakawala ng hangin sa bibig si Rogue bago sumimsim sa kaniyang beer at ibinalik ang atensyon sa kalangitan.

“Why are you here alone, Rogue?” mayamaya pa'y tanong ng isang tinig.

Tiningnan ni Rogue kung sino iyon at umayos siya nang pagkakaupo sa duyan nang makita si Carter. May hawak din itong beer. Naglakad si Carter palapit sa kan