Chapter 20: Doubt

THEY ONLY HAVE two options: i-cremate ang katawan ni Vivienne o ilibing ito. Nasa decomposition process na ang bangkay ni Vivienne kaya sinabihan sila ni Dr. Gilbert na dapat ay makapagdesisyon na sila. May health risk na raw ito kaya kailangan na agad nilang magdesisyon. At dahil ayaw nang masaktan ng mama ni Vivienne ang anak niya, ito ang nagdesisyon na ilibing ito. Dahil doon, kinabukasan ay inayos agad ang burol ni Vivienne. Ilang oras lang itong ibuburol at ililibing din agad para hindi kumalat ang bacteria at mga gases na nanggagaling sa bangkay ni Vivienne.

“Condolences, ma'am,” malumanay na usal ni Rogue sa mama ni Vivienne nang makalapit siya rito habang kasama sina Leander at Quentin.

“Salamat, Rogue,” malungkot na tugon ng ginang sa kaniya.

“Lola!” sabay na sabi ng magkambal bago niyakap ang kanilang lola.

“Salamat at pumunta kayo, mga apo!” emosyonal na turan ng ginang habang mahigpit na nakayakap sa kaniyang mga apo kapagkuwan ay nag-angat ito ng mukha kay Rogue. “Salam