Kabanata 0014

Napaatras si Raquel nang makita ang dami ng mga lalaking papunta sa kanilang direksyon at may mga dalang armas. Hindi niya kilala ang mga ito pero isa lang ang tiyak niya.

Ang mga lalaking ito ay hindi tauhan ng kaniyang lolo kaya naman ay kinakabahan na siya lalo na't papalapit ang mga ito sa direksyon niya.

“S-Sino kayo?” tuluyan na ngang nakalapit ang mga ito sa kanila. May biglang humawak sa magkabilang kamay ni Raquel at maging kay Althea rin.

Sinubukan niyang magpumiglas subalit kaagad nagbanta ang mga ito.

“'Wag niyo subukang gumalaw o baka papasabugin namin 'yang mga bungo niyo!” sigaw ng isa sq kanila kaya tila nanigas ang katawan ni Raquel sa sobrang kaba.

Hindi niya alam kung paano nakapasok ang mga ito. Pribadong lugar itong hasyenda ng lolo niya.

“Ano ba ang kailangan niyo sa amin?”

Kahit kinakabahan ay kailangan niyang itanong ang mga 'yon para malaman kung ano ang pakay ng mga ito sa kanila.

“Saan nagpunta ang lolo mo?”

May isang lumapit kay Raquel at hinawakan ang b