Kabanata 0015

Makalipas ang ilang araw ay hindi na nagpakita si Nicholas kay Raquel. Nakauwi na rin sa probinsya ang lolo niya kaya hindi na siya nag-iisa sa mansyon. Hindi na rin niya inalam kung nasaan si Nicholas dahil para sa kaniya ay mas mabuting wala ito sa bahay nila.

Buong akala naman ni Raquel ay hindi na muling magpapakita pa si Nicholas sa kaniya subalit nagkakamali siya. Bigla na lamang itong sumulpot at napanganga na lang siya sa gulat. May dala pa itong mga prutas.

“Bakit ka pa bumalik?”

Ito kaagad ang bungad ni Raquel sa bagong dating na si Nicholas. Sa likuran naman nito ay nakasunod si Levi at ang dalawa pang lalaki na hindi niya kilala.

Ngumiti naman si Nicholas at tila ba ay walang nangyari noong nakaraan. “May inayos lang ako sa maynila pero huwag kang mag-alala dahil matagal-tagal pa akong babalik doon.”

Pakiramdam ni Raquel ay umuusok na ang kaniyang ilong habang nakatitig kay Nicholas. Hindi niya matanggap na bumalik na naman ito at sisirain ang araw niya.

“Pinagdasal ko ta