Kabanata 0006

Nakakuyom ang kaniyang mga kamay ng harapin niya ang dating asawa. Hindi pa rin siya makapaniwala na nandirito ang lalaki.

“Anong ginagawa mo rito?” galit niyang tanong Kay Nicholas na ngayon ay nakatingin sa kaniya.

Akmang lalapitan siya ni Nicholas pero lumayo siya. Hindi na nagpumilit pa ang lalaki na makalapit sa kaniya.

“I'm here because I want to apologize...” aniya na nagpagulat kay Raquel. “I want to apologize for everything I did to you.”

Napatitig si Raquel sa mga mata ni Nicholas at isa lang ang kaniyang nakikita na hindi niya nakita simula nang ikasal sila.

“Am I dreaming?”

Iyon na lamang ang kaniyang nasabi dahil hindi pa rin siya makapaniwala sa mga narinig mula kay Nicholas. Ibang-iba ang dating ng kaniyang dating asawa ngayon kaysa noong huling nakita niya ito.

“Patawarin mo ako sa mga nagawa kong kasalanan sa 'yo, Raquel. Alam kong labis kitang nasaktan at gusto ko lang malaman mo na labis akong nagsisisi. Mali pala talaga ang ginawa ko sa 'yo.” 

Dahil sa mga sumusunod na sinabi ni Nicholas ay malinaw na kay Raquel ang lahat. Nagsabayan sa pagtulo ang kaniyang mga luha habang ang kaniyang mga palad ay nakakuyom pa rin. 

Hindi siya makapaniwala na ang lalaking nagwasak sa kaniyang puso ay na sa harapan niya ngayon at humihingi ng tawad sa mga ginawa niya. Kung siya pa ang dating Raquel ay lalambot na kaagad ang puso niya pero masyado siyang nasaktan dahil sa ginawa ni Nicholas. 

Nilapitan niya ang lalaki at pinaghahampas ng dala niyang bag. Pinigilan naman siya ni Althea hanggang sa hindi na siya makalapit kay Nicholas.

Masama ang kaniyang loob. Galit ang kaniyang puso dahil sa mga ginawa ni Nicholas sa kaniya. Hinding-hindi niya ito mapapatawad.

“Hindi ka dapat nagpunta rito. Hindi ko kailangan ng sorry mo dahil matagal na kitang binaon sa lupa!” sigaw niya habang umiiyak. 

Hindi siya maniniwala sa mga sinasabi ng lalaki sa kaniya ngayon.

“Kung sa tingin mo ay ganoon kadali ang lahat ay nagkakamali ka. Winasak mo ang puso ko, Nicholas. Hinding-hinding ko makakalimutan lahat ng mga sakit na naranasan ko sa piling mo kaya kung nandito ka para saktan ako p'wes nagkakamali ka. Umalis ka na dito bago pa magdilim ang paningin ko!” sigaw niya at dinuro pa si Nicholas. 

Wala na siyang ibang nararamdaman sa lalaki kung hindi galit. Galit siya dahil sa kakapalan ng mukha nitong magpakita sa kabila ng mga ginawa niya noon.

Nagulat naman ni si Raquel ng biglang lumuhod ang kaniyang dating asawa sa harapan niya habang ang kaniyang mga mata ay nagsusumamo. Hindi siya makapaniwala sa kaniyang mga nakikita at pakiramdam niya ay isa lamang itong panaginip.

“I'm sorry, Raquel. Patawarin mo ako kung huli na ng mapagtanto ko na mahalaga ka pala talaga sa buhay ko at hindi ko kayang mawala ka. Maniwala ka sa akin, sobrang dilim ng buhay ko sa mga buwang wala ka na.” 

Natawa bigla si Raquel dahil sa sinabi ni Nicholas. Hindi siya makapaniwala sa galing ng asawa sa pag-arte.

“Alam mo bilib na talaga ako sa 'yo. Ang galing mong umarte. Alam ko naman na ginagawa mo ito dahil sa kompanya pero ito ang tandaan mo. Hindi na ako madadala diyan sa ginagawa mo kaya pwede ba. Hindi ikaw to. Huwag ka na magpanggap. Ipakita mo sa lahat kung ano ka bilang asawa ko!” 

Hindi na mapigilan ni Raquel na magtaas ng boses at maraming bisita ang nakapansin no'n. Napansin rin iyon ng kaniyang lolo kaya nilapitan siya nito.

“What's happening here?” takang tanong ng lolo niya pero na kay Nicholas pa rin nakatingin si Raquel na hanggang ngayon ay nakaluhod pa rin sa harapan niya.

Nagtaas siya ng noo at galit pa ring tinitigan si Nicholas.

“Ang magaling kong asawa ay pinagloloko pa rin ako, lolo. Ang kapal ng mukha niyang magpakita pa sa akin sa kabila ng lahat!” sambit niya sa galit na tono.

Lumapit naman ang lolo niya kay Nicholas at hindi na nagulat si Raquel nang suntukin niya iyon. Hindi nakapalag si Nicholas sa ginawa ng kaniyang lolo na ngayon ay nakasalampak na sa sahig. Patuloy pa rin sa pagsuntok ang lolo ni Raquel habang siya ay umiiyak lang at walang ginawa para pigilan ito. 

Galit na galit siya kay Nicholas at gusto niya itong sugurin. Gusto niyang pagbayarin ang dating asawa dahil sa mga ginawa nito sa kaniya na nagpababa sa kaniyang pagkababae subalit iniisip niya ang kalagayan ng kaniyang anak. Hindi pwedeng magpadala siya sa bugso ng damdamin dahil malalagay sa peligro ang bata.

“Sabihin mo sa aking kung papatayin ko ba ito, Raquel. Hindi ko pwedeng palampasin ang ginawa niya sa 'yo!” sigaw ng lolo niya kaya naman ay natauhan si Raquel. 

Kaagad siyang lumapit sa lolo niya at inawat ito. Nakaramdam naman siya ng awa nang makita ang mukha ni Nicholas na ngayon ay duguan. Dumating ang kaniyang mga tauhan at tinulungan siyang makatayo.

“Umalis ka na dito bago pa may mangyari sa 'yo. Huwag mo na subukan pang bumalik dahil hindi kita mapapatawad kung totoo man ang hinihiling mo. Masyado mo akong sinaktan, Nicholas.” Napapailing na sabi ni Raquel sa kaniya.

Nagtangka itong lumapit pero hinarangan siya ng kaniyang lolo.

“Hindi ako aalis hangga't hindi kita nakakausap nang mabuti, Raquel.” 

Nang dahil sa galit niya kay Nicholas ay hindi niya na napigilan ang sariling sakmalin ito.

“Tama na! Ayoko na! Pagod na pagod na ako sa 'yo, Nicholas. Simula noon ay wala ka ng ginawa kung hindi ang saktan ako!” umiiyak niyang sigaw sa asawa. 

“Alam ko kaya sobrang pagsisisi ang nararamdaman ko. Ngayon ko lang napagtanto na mahal pala kita. Sana mapatawad mo pa ako. Sana mabigyan mo ako ng pagkakataon na maipakita sa 'yo kung gaano ako nagsisisi sa mga kasalanan ko.”

Nagulat si Raquel nang bigla itong maiyak sa harapan niya. Lumuhod na naman ito ulit pero hindi na nagpadala si Raquel. Alam niyang lahat ng ginagawa ni Nicholas ngayon ay pagpapanggap lang.

“Look at yourself, Nicholas. Binababa mo ang sarili mo dahil lang diyan sa pagpapanggap mo. Pwede ba huwag na tayong maglokohan dahil hindi mo na ako maloloko pa.” 

Masakit pa rin ang puso ni Raquel hanggang ngayon dahil kay Nicholas. Hindi ganoon kadaling makalimot at higit sa lahat ay hindi ganoon kadaling magpatawad.

“I don't care about who I am. All I wanted now is to have you back. I want you back in my life to correct everything I did. I will not stop, Raquel.” 

Napailing si Raquel habang nakikinig kay Nicholas. 

Inilapit niya ang mukha kay Nicholas at nagsalita. “Hindi lahat ng bagay ay kaya mong makuha, Nicholas. Tandaan mo, tapos na tayo at salamat sa ginawa mo dahil nagising na ako. Napagod na ang puso ko kaya magdusa ka.”

Hindi makapaniwala si Raquel sa kaniyang sarili dahil nagagawa na 'yon kay Nicholas at alam niya sa sarili na nagbago na siya. Hindi na siya ang Raquel na ginawang alipin ni Nicholas at hindi na siya babalik pa roon kahit kailan.

“I swear I will not stop winning you back.”

Tumalikod na siya at hindi pinansin ang huling sinabi ni Nicholas dahil alam niyang kasinungalingan lahat nang 'yon.