CHAPTER 41

" Puwede ka bang magbigay ng dahilan para hindi ako magustuhan? "

Napahinto si Lucine sa ginagawa dahil sa tanong ni Janina. Ibinaba niya ang takip sa ulam na tinitignan niya bago ito sagutin.

" Madaldal ka, maingay, magulo din minsan...bakit mo pala tinatanong? "

Ngumuso ito at nagkibit balikat. " Ito kasing si Morriss, tinanong ko ulit kung may pag-asa ba ako sakaniya o mayroon bang tiyansa na magkaroon kami ng something, pero ang naging sagot niya, hindi niya raw ako puwedeng magustuhan. "

" Bakit daw? "

" Hindi niya sinagot. " Napabuga ito sa hangin. " Napakagulo niyang kausap, Lucine. Ngayon lang ako napatanong sa sarili ko kung bakit ba siya ang nagustuhan ko? Hindi naman sa nagsisisi ako pero bigla lang akong napaisip kung bakit sakaniya pa ako tinamaan? Ang dami namang iba diyan na gwapo, mabait at hindi masungit. "

" Hindi ko rin alam sa'yo, Janina. Kahit naman ako nagtataka noon pa kung bakit mo nagustuhan si Morriss, ang suplado nga niya sayo. Matagal na niyang ipin