CHAPTER 49

Tila walang kapaguran ang mga bata na namamasyal at naglalaro sa hardin ng mga Banville. Kinagigiliwan nila ang mga nagtataasang halaman sa bawat pader na may iba't ibang puwesto at daanan na ginagamit ng mga bata upang magtaguan at habulan. Nakabantay sa kanila ang mga matatanda dahil sa takot na baka may masira.

" Ang akala ko simpleng handaan lang ang dadaluhan natin kaya ganito lang ang isinuot ko. Pero sa nakikita ko, magarbo pa din ang handaan na'to, " wika ng kaniyang kasamahan na sinang-ayunan naman ng ilan habang pinagmamasdan ang istilo ng handaan. Ang kaninang kulay lila na tema ay pinapalitan ni Logan ng kulay rosas.

" Ako nga ito na pinakamagandang damit na nakuha ko sa aparador, pero mukhang hindi pa rin bagay ang ganitong damit sa ganitong klaseng okasyon, " ani Janina.

Napailing na lamang si Lucine sa sinabi ng mga kasama. " Kahit naman nakapambahay lang kayo magpunta dito, papapasukin pa rin kayo. Ilan lang naman ang mga inimbitahan kong tao dahil simpleng salo-s