CHAPTER 46

Isang malalim na buntong hininga ang kumawala kay Janina habang nakapanghalumbaba sa mesa. Isang linggo na niyang hindi nakikita si Morriss at wala siyang balita kung nasaan ito na ngayon. Naiintidihan niya na marahil kaya ito nawala ay kailangan nitong mapag-isa subalit sobra na ang kaniyang pag aalala lalo na't hirap nitong tanggapin ang nangyari sa mga kapatid. Natatakot siya na baka may gawin itong masama sa sarili dahil sa lungkot at paghihinagpis.

" Palagi na lang si Morriss ang dahilan ng buntong hininga mo, " ani Lucine sakaniya, " Makakapagtrabaho ka pa ba? "

" Oo naman, sobra lang akong nag aalala dahil baka kung ano na nangyari kay Morriss. Naaawa ako sa kalagayan niya, " sagot niya saka sumandal sa pader at ipinag-krus ang mga braso. " Ilang beses na rin akong pabalik-balik sa bahay nila pero walang tao. Kanina dumaan ulit ako pero parang di na umuuwi si Morriss doon kasi 'yong iniwan kong pagkain kagabi sa harap ng pinto nila, nandoon pa rin. Nilalanggam na nga, eh. "

"