CHAPTER 39

Tahimik na ginagala ni sister Bella ang paningin sa opisina ni Logan habang nakaupo sa silya at hinihintay ang taong nais kumausap sa kaniya. Mayroon na siyang ideya na tungkol ito sa nalalapit na kaarawan ng anak. Hindi ito natuloy kanina sa hapag kainan dahil sa naging sagot ni Lucine tungkol sa parehong araw ng kamatayan ng ina at kaarawan niya.

" Pasensya na kung pinaghintay kita. Kinausap ko pa kasi si Victoria. " Napalingon siya sa pintuan nang sa wakas ay dumating na si Logan na galing sa mahabang diskusyon sa asawa bago makaharap ang madre.

" Ano ba ang gusto mong sabihin? " tanong ni sister Bella, " Marami pa akong kailangan gawin sa bahay ampunan. "

" Kailangan ko lang hingin ang opinyon mo sa magaganap na kaarawan ni Lucine, " anito saka naupo sa silyang pang-opisina. Ipinatong nito ang isang talaan sa mesang nasa pagitan nila at inabutan siya ng panulat. " Puwede mo bang ilagay ang mga pagkaing hilig niya? O kahit na anong bagay na magpapasaya kay Lucine, isulat mo. "

" S