Chapter 3

“It’s getting late. Itigil mo na nga ‘yang pag-iinom mo.” 

Tiningnan ni Dwaine ng masama si Alianna. Ang kamay niya ay nakahawak pa rin sa baso na may laman na whiskey. “Pwede bang h’wag mo akong pakialaman sa mga gusto kong gawin sa buhay? Kinasal lang tayo. That doesn’t mean you own me. Alam mo naman sigurong hindi kita gusto ‘di ba?” 

“Please, Dwaine! It’s already 2:00 am. Matulog ka naman.”

“Nang ikaw ang katabi? NO WAY!” Padabog na binagsak ni Dwaine sa lamesa ang baso na hawak niya. “I’d rather sleep outside this five star hotel than sleep here in the same room with you.”

Tumayo na si Dwaine. Nang makita ni Alianna na pasuray-suray na ito ay agad niya itong nilapitan upang alalayan. “Dwaine, you’re drunk. Baka kung ano pa ang mangyari sa ’yo. Huwag ka nang lumabas. Dito ka na lang. Ako na lang ang lalabas. A-ako na lang ang iiwas.”

“Are you sure?” 

Tumango si Alianna. Halata sa kanyang mukha na napipilitan lamang siya.

“Fine! Get out. I don’t want to see your face here, desperate fangirl!” Dwaine ordered. Naglakad siya ng pasuray-suray patungo sa kama at binagsak ang katawan dito ng padapa at nakadipa ang magkabilang kamay. 

Malalim na bumuntong hininga si Alianna. Kinuha lamang niya ang jacket niya’t cellphone bago lisanin ang kwarto na niregalo ni Don Gregorio para sa kanila.

As Alianna Jade walks down the corridor, she remembers her first meeting with Dwaine. Nanonood siya ng basketball sa school ng tamaan siya ng bola. Sa sobrang lakas no’n, halos himatayin siya. Si Dwaine ang unang lumapit sa kanya. Binuhat siya at dinala sa clinic. Mula noon, hindi na tumigil si Alianna Jade na hangaan si Dwaine.

Dwaine became Alianna’s ultimate crush. From the first time she saw him when they were in elementary school, up until today. She’s madly in love with him.

Nang marating ni Alianna ang lobby, naupo siya. Mula pa kanina ay hindi siya gumamit ng cellphone, o kahit anong gadgets kaya wala siyang balita kung ano na ang nangyayari sa social media.

“Ano na kayang latest chikka ngayon!” turan ni Alianna sa kanyang sarili. Binuksan niya ang kanyang cellphone at laking gulat niya ng bumungad sa kanya ang kanyang litrato. Kuha ito noong araw ng kanyang kasal. “What the fúck—”

Bago pa man makapagbasa ng mga komento si Alianna, someone grabbed her at inilayo siya sa lobby.

“Sino ka?! B-bakit mo ako hinahawakan?” nagtatakang tanong ni Alianna. Hindi pamilyar sa kanya ang lalaking humila sa kaniya’t nakahawak sa braso niya ngayon. 

Agad na bumitaw ang lalaki. “Ano po ang ginagawa niyo dito sa lobby, Ma’am Alianna? Bakit wala po kayo sa kwarto niyo ni Sir Dwaine?”

“Bago ko sagutin ang tanong mo, ang tanong ko muna ang sagutin mo. Sino ka at bakit alam mo ang tungkol sa amin ni Dwaine? Stalker ka ba?” Kinuyom ni Alianna ang kanyang mga kamay at itinutok ito sa lalaki. “Huwag kang magkakamali. Kapag gumawa ka ng hindi maganda, bubugbugin kita. Marunong ako sa martial arts at mag-taekwondo.”

Ngumisi ang lalaki. Itinaas niya ang magkabila niyang kamay bago sumagot. “Calm down, Ma’am Alianna. I won’t hurt you. In fact, I came here to protect you.”

Lalong nagtaka si Alianna. Umalon ang mga guhit sa noo niya. “A-ano?! H-hindi ko maintindihan. Sino ka bang talaga?”

“Personal bodyguard po ako ni Sir Dwaine. I expect na kilala mo ako dahil lagi kang nakasubaybay sa amo ko.” Nakangiting sambit no’ng lalaki. “By the way, Ma’am Alianna, ako nga po pala si Julius. Pinapunta po ako ni Don Gregorio dito para samahan po kayo dahil alam po niya na matigas ang ulo ng apo niya. Nasaan po ba siya?”

“Lasing na lasing si Dwaine at nagpapahinga na siya sa kwarto namin. Gusto niya akong umalis sa kwarto dahil ayaw niya akong makita. Wala akong choice. Pinagtatabuyan niya ako kaya umalis ako.”

“Asawa na po kayo ngayon ni Sir Dwaine. Kahit ano pa po ang sabihin niya, huwag po kayong aalis sa tabi niya. Wala pa pong isang araw mula nang kayo ay ikasal. Sinusukuan niyo naman po siya kaagad.”

Bumuntong hininga si Alianna. “Hindi ko gustong iwanan siya. Alam mo ‘yan dahil alam ko na kilala mo ako. Gusto ko lang na makapagpahinga siya dahil masyado na siyang maraming iniisip.”

“Naiintindihan ko po kayo, Ma’am Alianna. Pero paano naman po kayo? Balak niyo po bang mag-stay sa lobby hanggang magising si Sir Dwaine?”

“Handa ko’ng gawin ang lahat para sa kanya.”

Kumamot sa kanyang ulo si Julius. “Mahal na mahal niyo po talaga si Sir Dwaine. Iyan po ‘yong isa sa mga rason kung bakit ikaw ang pinili ni Senior Gregorio na magpakasal sa kanya kasi alam po niya na aalagaan mo ang apo niya kahit na ano pang mangyari.”

Dahil sa sinabi ni Julius, napangiti si Alianna. Pero ang ngiti niya’y may halong pait at kirot sa kanyang dibdib. Mag-work nga kaya ang one-sided love? Posible bang mag-succeed ang isang relationship kung isa lang ang nagmamahal?

Tumikhim si Julius. Tinapik niya ang braso ni Alianna dahil nakatulala na ito. “Ma’am Alianna, okay lang po kayo? Mukhang pagod na po kayo. Ikukuha ko na lamang po kayo ng ibang kwarto para makapagpahinga na rin po kayo.”

“Hindi ba magagalit si Don Gregorio?” nakataas ang isang kilay na tanong ni Alianna. 

“Mas magagalit po siya kapag hinayaan lang kita dito sa lobby. Isa ka nang ganap na Palacios, Ma’am Alianna. Kahit pagbali-baliktarin pa natin ang mundo, asawa mo na si Sir Dwaine at parte ka na ng pamilya nila. 

“Hindi pa rin ako makapaniwala. Tinititigan ko lang kasi mula sa malayo si Dwaine noon eh! Sino bang mag-aakala na mapapangasawa ko siya. Akala ko sa panaginip lang mangyayari ‘yon.” Emosyonal na sambit ni Alianna. Nagtutubig ang mga mata niya at agad itong umagos sa malambot at makinis niyang pisngi.

“Huwag na po kayong umiyak, Ma’am Alianna. Dapat po ay maging masaya kayo ngayon.” Turan ni Julius sabay abot ng panyo niya. “Halika na po, Ma’am. Ikukuha ko na po kayo ng kwarto at ihahatid ko na po kayo ro’n para makapagpahinga na po kayo.”

“Maraming salamat, Julius! Sinalba mo ang wedding night ko.” Nakangiting saad ni Alianna. Pinunasan niya ng dahan-dahan ang magkabila niyang pisngi. Nagsimula nang maglakad si Julius patungo sa front desk. Sumunod naman si Alianna sa kanya. 

Makalipas ang ilang minuto ay naikuha na ni Julius ng kwarto si Alianna. Ginamit niya ang black card na ipinahiram ni Don Gregorio sa kanya. 

“Goodnight, Ma’am Alianna! Mauna na po ako.” Matapos magpaalam ay iniwan na rin ni Julius si Alianna. 

Samantala, nang makaalis si Julius ay dumiretso sa banyo si Alianna. Nag-shower siya. Doon, naramdaman niya ang pagod niya sa maghapong ganap. Habang dahan-dahang tumatama sa kanyang katawan ang tubig na nagmumula sa shower ng hotel, doon pa lamang isa-isang nagsi-sink in kay Alianna ang nangyari.

“I am not dreaming. It’s happening! I am now the wife of the one and only, Ruston Dwaine Palacios—the man of my dreams.”