Chapter 4

“Dwaine—” 

Napabalikwas si Alianna nang magising siya sa isang masamang panaginip. Nakasalampak siya sa sahig habang hilihilot ang kanyang sintido. 

“Ano’ng oras na kaya? Gusto kong yayain na mag-breakfast si Dwaine.” Tumukod si Alianna sa kama at buong pwersa siyang tumayo at tsaka kinuha ang cellphone niya na nakapatong sa tabi ng lampshade. 

Kumamot siya sa kanyang ulo nang makita ang oras sa screen. Pasado alas otso na ng umaga. Dali-daling nag-ayos si Alianna. Kinuha niya ang sinuot niyang jacket bago lisanin ang kwartong ginamit niya.

“Gising na kaya si Dwaine? Sana naman ay hindi na niya ako ipagtabuyan dahil ito ang unang araw namin bilang mag-asawa.” Habang naglalakad, nag-iisip na si Alianna ng mga posible nilang gawin sa araw na iyon. Napaisip tuloy siya kung sa mansyon na siya ng mga Palacios uuwi dahil aminado siyang minsan sa buhay niya ay pinangarap niyang doon tumira.

Ilang kwarto lamang ang pagitan ng kwartong kinuha ni Julius para kay Alianna, sa kwartong niregalo ni Don Gregorio para sa kanilang dalawa kaya ilang hakbang pa lamang ay nakarating na si Alianna sa tapat ng pintuan.

Pagtapat niya sa nasabing pinto, natigilan siya nang marinig ang nakakabinging ungól ng babae na nanggagaling sa loob ng kwarto. 

“Ughh… shítt… ughh… fúck…”

“Tángina! Ang gágong Ruston na ito ay iniiputan kaagad ako sa ulo!” Malakas na kinatok ni Alianna ang pintuan at agad na natigil ang naririnig niyang ungól. “Dwaine, buksan mo ‘tong pinto.” 

Nagsisigaw na si Alianna sa labas.

“Dwaine, your wife…” Ani Lilia. Hawak niya ang makapal na comforter at nakataklob ito sa hubad n’yang katawan. “Ang sabi mo ay nasa mansyon na siya ng lolo mo?”

“I don’t know! Malay ko ba kung saan siya nag-stay the whole night. Ang alam ko lang ay pinaalis ko siya kagabi at no’ng magising ako na wala siya, tinawagan kita. ‘Coz I want to spend my wedding night with you.” 

Habang nagsusuot ng bathrobe si Dwaine ay muling kumatok si Alianna. Malakas iyon at pawang masisira na ang pinto.  

Isa-isang pinulot ni Dwaine ang mga saplot ni Lilia at binato niya ito sa kama. “Magbihis ka na at haharapin ko siya.”

Bumangon na si Lilia. Kinuha niya ang kanyang mga damit at hubad na naglakad patungo sa banyo. 

Naglalakad pa lamang palapit sa pintuan si Dwaine nang marinig niya ang pag-click ng lock, indikasyon na bumukas na ito. Ilang sandali pa, nang bumukas ang pinto ay iniluwa no’n ang galit na galit na si Alianna. Malakas na sampal ang naging pasalubong niya kay Dwaine.

“What the fúck—” He reacted. Namula ang pisngi ni Dwaine dahil sa lakas ng sampal sa kaniya ni Alianna. “Ano’ng problema mo?!”

“Ikaw ang ano’ng problema mo! Wala ka ba talagang kahihiyan? Hindi ka ba talaga marunong makiramdam?” Inis na inikot ni Alianna ang kanyang mga mata, saka malalim na bumuntong hininga. “Ito ang unang araw natin bilang mag-asawa. Ang ganda pa naman ng mood ko bago ako pumunta dito. Gusto pa kitang yayain na mag-breakfast tapos ano? Ito ‘yong madaratnan ko.”

“You know what, Alianna, you’re being overreacted! Yes, we’re married, but I don’t love you. You know it. Alam mo naman kung sino ‘yong mahal ko at hindi naman ikaw ‘yon.”

“Alam ko, pero kasalanan sa Diyos ang ginagawa mo. Kung hindi mo ako kayang irespeto, irespeto mo ang pasya ng lolo mo. Siya ang nagdesisyon nito. Kung hindi mo pala kayang sumunod sa pinag-usapan, sana hindi ka na lang pumirma!” Kinagat ni Alianna ang ibabang labi niya matapos niyang magsalita.

“P-pumirma?! Dwaine, ano’ng pinagsasabi ng babaeng ‘yan? Ano’ng pinirmahan mo?” Turan ni Lilia. Lumabas siya mula sa banyo at sumingit sa usapan ng mag-asawa.

Ngumisi si Alianna. “Huwag mong sabihing hindi mo alam? Ano, Dwaine?!”

“Ano’ng pinagsasabi ni Alianna, Dwaine? Ano’ng pinirmahan mo?” 

“Contract—” matipid na sagot ni Dwaine.

“Anong kontrata?! Pútangína diretsohin niyo na akong dalawa.” Inis nang sambit ni Lilia. Mataas na ang boses niya’t halata na ang pagka-irita niya.

“May pinirmahan akong kontrata. Katunayan na pumapayag ako sa kagustuhan ni lolo na magpakasal sa kahit sinong babaeng gustuhin niya para sa akin, kapalit ang malaking halata. Kapag hindi ako pumayag, tatanggalan niya ako ng mana.”

Dahil sa paliwanag ni Dwaine, sinampal siya ni Lilia. Muling namula ang kanyang pisngi. “Nagalit ka pa sa akin no’ng pumayag ako sa kondisyon ng lolo mo tapos ikaw pala ‘tong pinagpalit ako sa malaking halaga?”

“Love, let me explain. Alam mo naman na  lahat ay ginawa ko para lang mapatunayan na karapat-dapat akong maging Palacios ‘di ba?! Hindi ko hahayaang mawala ‘to sa akin.” 

“I can’t believe this! Akala ko pa naman ay mahal mo ako. Iyon pala’y mas importante pa ang mana mo.” Napapailing na sambit ni Lilia. Kinuha niya ang hand bag niya na nakakalat sa sahig at hinampas ito sa dibdib ni Dwaine. “Bahala ka nga d’yan. Magsama kayo ng babaeng ‘yan.”

Dahil sa inis ay nag-walkout si Lilia. Hahabulin pa sana siya ni Dwaine ngunit hinawakan ni Alianna ang braso niya.

“Sige, habulin mo siya. Isusumbong kita sa lolo mo.” Panakot na turan ni Alianna. “If you can’t be a good husband to me, I'll do my best to make you feel the same way. Impyerno ang ipaparanas mo, gano’n din ang ipaparamdam ko sa ‘yo. Magkasubukan tayo.” 

Napalunok si Dwaine. Kinuyom na lamang niya ang kanyang kamay at kinimkim ang inis kay Alianna. ‘Tinik sa lalamunan ko talaga ang babaeng ito. Mukhang desidido siyang kunin ang loob ko. Hindi bale! Hindi siya magtatagumpay. Hindi ako papayag na mahulog sa bitag ng baliw na Alianna na ‘to.’