Chapter 111.4

MAHIGPIT NA NIYAKAP ng Ginang si Bethany na hindi na nakaumang, ginantihan na lang niya ito bilang pamamaalam na rin niya sa kanya. Pagkatapos noon ay magkasunod ng lumabas ang mag-ina. Habang lulan ng elevator ay hindi naman napigilan ng Ginang na magsalita na patungkol pa rin kay Bethany.

“Gavin, sobrang natutuwa ako na nakikita kang nagpla-plano ng mag-settle down at bumuo ng sariling pamilya mo. Hindi na kailangan ng pamilya natin na maghanap pa ng babaeng ma-match sa panlasa mo. Hindi na rin namin kailangang mag-alala ng Daddy mo na baka piliin mong tumandang binata.”

Proud na tumango lang sa ina si Gavin.

“Sana lang ay huwag niyo na iyong patagalin pa. Nakikita ko na mabuting babae si Bethany kaya naman magiging mabuting maybahay siya sa’yo at ina ng magiging mga anak mo. Nakikita ko rin kung paano ka niya alagaan. Ganung babae ang gusto ko para sa’yo dahil nakikita ko ang sarili ko sa kanya. At saka, maging mapagpaubaya ka rin sa kanya sa lahat ng bagay dahil higit na matanda