Chapter 112.1

NANG MAUBOS NI Gavin ang isang stick ng sigarilyo na sinindihan ay pumasok na rin siya sa loob ng building upang umakyat na sa itaas ng penthouse at balikan ang naghihintay na si Bethany. Bagsak ang magkabilang balikat nang pumasok siya ng pintuan nang dahil sa nalaman sa kanyang ina at sa saglit na paggunita niya ng kanilang nakaraan. Hindi nakaligtas sa mga mata ni Bethany ang hitsura ng binatang parang hindi ito masaya. Tipong parang pinagsakluban ng langit at lupa ang hilatsa ng kanyang mukha.

“Anong problema, Gavin? May sinabi bang hindi maganda sa’yo ang Mommy mo nang dahil sa pagtira ko dito sa bahay mo?” alanganing tanong ng dalaga na nabalot na ng pag-aalala ang kanyang mukha.

Napatitig na si Gavin sa mukha ni Bethany na punong-puno ng emosyon ng pag-aalala. Umiling at ngumiti ang binata ngunit hindi man lang iyon umabot sa kanyang mga mata. Noon lang napansin ng abogado na ang simple lang ng suot na damit ni Bethany. Hindi niya mapigilan ang sarili na pagkumparahin si Betha