Chapter 112.4

PARANG SA MATA ng mga asong kinawawa ang naging tingin ni Rina kay Bethany nang tumingala ito upang magtama ang kanilang mga mata. Kasalukuyang nakasandal sa may pintuan ng cubicle si Bethany, nakahalukipkip at matamang pinapanood lang ang pag-aalboroto ng sikmurang ginagawa ng kaibigan. Hinihintay niya itong sumagot sa kanyang sinabi. Gumuhit pa ang masaganang luha pababa ng mukha ni Rina. Ang ilang hibla ng kanyang buhok ay dumikit na sa nanlilimahid sa luha at pawisan niyang mukha.

“Narinig mo ang sinabi ko, Rina? Iwanan mo na kasi siya, hiwalayan mo na. Ano bang nagustuhan mo sa kumag na 'yun? Katawan niya? May lalaking mas maganda pa ang katawan kumpara sa kanya pati ang ugali. Kung ako sa’yo hindi ako mangingiming gawin iyon. Alam ko ang worth ko bilang babae at ako.”

Humikbi pa si Rina na ikinailing lang ni Bethany, sobrang wasted na ng kaibigan niya na halatang hindi na makakausap pa ng matino. Magsasayang lang siya ng kanyang laway tapos wala rin naman iyong kwenta.

“Kung a