Chapter 113.4

DAHAN-DAHAN NG TUMAYO si Bethany nang marinig niya kung sino ang tumatawag. Ayaw niyang makinig kung ano ang pinag-uusapan nito kung kaya naman walang imik niyang pinulot ang mga saplot at ang kanyang gamit na nagkalat sa sahig upang tunguhin na sana ang kanilang silid. Subalit ilang hakbang pa lang ang nagagawa niya nang maramdaman ang yakap ni Gavin mula sa kanyang likuran. Gamit ang isa nitong kamay ay nagawa nitong idikit ang kanyang katawan sa kanya na parang nilalagnat sa init ng balat.

“Kausapin mo muna iyan!” buka ng bibig niyang nandidilat na ang mata nang lingunin ang binata.

Hindi siya pinakinggan ni Gavin na mas kiniskis pa at idinikit ang hubad na katawan sa kanya. Hindi na iyon matagalan pa ni Bethany na muling yumakap na lang sa binata keysa naman mag-protesta. Hinalikan siya ni Gavin sa noo habang nasa isang tainga pa rin ang cellphone. Hindi nito magawang tanggalin ang kanyang mga mata sa magandang mukha ni Bethany na halatang puno ng pananabik at paghihintay na mata