Chapter 115.2

HATINGGABI NA AY nanatili pa rin si Gavin na nakaupo sa loob ng kanyang study room. Puno na ng upos ng sigarilyo at abo ang ashtray niya na nasa gilid ng kanyang mesa na hindi niya namalayang naubos niya. Nanlilimahid rin sa makapal na usok ng sigarilyo ang loob ng study room na nagmistulang binalot na ng makapal na ulap nang dahil doon. Matapos na maubos ang huling stick ng sigarilyo at mailagay iyon sa ashtray, nilamukos na niya ang kaha nito at malakas na inihagis iyon patungo sa basurahan sa may gilid.

“Shoot!” bulalas niyang napatalon na malapit sa kanyang upuan, ngunit muli rin siyang nakaupo.

Namumula na ang kanyang mga mata at halos sumasara na rin pareho ang talukap noon na tila ba nagpapaalala sa kanya na malalim na ang gabi at kailangan na niyang matulog. Tumayo siya matapos na ilang beses na humikab at dire-diretso ng lumabas ng study room. Wala naman talaga siyang official business na kailangan niyang unahin. Nagtungo lang siya sa study room upang mapag-isa at ng makapag