Chapter 115.4

NAPALINGON NAMAN ANG grupo nila sa kanilang banda. Agad silang napahanga sa mukha ng nobya ni Gavin nang makita nila ito habang kasamang naglilibot ng binata.

“Oh, ang ganda-ganda naman ng girlfriend niya!”

“Oo nga! Kailan ba sila magpapakasal? Kailan mo matatawag na manugang mo na ang babae?”

“Naku, ang mga ganyang hitsura hindi na dapat pang pinapatagal. Dapat ay itinatali na kaagad.”

“Hindi ko rin alam. Nasa kanila naman ang desisyon. Bata pa ang babae pero ipinanganak siya sa year of the rabbit.” kwento ng Ginang na nabanggit na rin sa kanila ang tungkol sa sinabi ng manghuhula, “Ayokong manghimasok sa relasyon nila. Siguro ay mga dalawang taon pa iyon mula ngayon.”

Sinabi lang iyon ng Ginang pero sa loob-loob niya, gusto niya na talagang lumagay sa tahimik ang dalawa at magsimula ng bumuo ng sarili nilang pamilya. Natutulog naman na sila sa iisang kama, bakit hindi pa nila gawing legal iyon at magkaroon ng basbas? Paano kung biglang mabuntis siya? Sabagay, hindi naman niya iyon p