Chapter 117.2

NAKAHANDA NA ANG puso, mga mata, damdamin at kalooban ni Bethany sa kanyang makikita oras na pumasok siya sa banquet hall kung saan naroon ang karamihan ng mga bisita upang kumain ng dinner. Busog pa naman siya pero gusto niya lang pumasok doon at hanapin si Gavin. Tingnan kung tama nga ang sinasabi ni Patrick sa kanya. Paglabas niya sa banquet hall ay naroon naman ang venue kung saan maaaring magsayawan ang mga bisita. Itinatak ni Bethany ang sinabi ni Patrick sa kanyang isipan na si Gavin at Nancy ay nagsasayaw. Sa imahinasyon niya pa ang scene na iyon ay magandang pagmasdan, ngunit ang laki pala ng pagkakaiba kapag actual na. Iba sa pakiramdam kapag nakikita na ng mata. Iyong inihanda ni Bethany kanina na katatagan, parang biglang natibag iyon nang makita niya na ang scenario.

'Sana hindi na lang pala ako pumasok dito.'

Talaga nga namang bagay sila kung sa pagiging bagay lang ang pag-uusapan. Magaling din silang mag-partner sa pagsasayaw dahil nagagawa nilang magtugma ang bawat ga