Chapter 113.3

ILANG MINUTO NA ang lumipas magmula nang makaalis doon sina Rina, ngunit si Bethany ay masama pa rin ang timpla habang iniisip ang desisyon ng kaibigan niya. Makailang beses na pinag-isipan niyang usapin ang kaibigan na hiwalayan na ang asawa kahit pa parang nahuhulaan na niyang hindi iyon gagawin ng kaibigan. Siya kasi ang namro-mroblema tuwing nag-aaway sila. Binuhay niya na ang makina ng sasakyan at mabilis na rin niyang nilisan ang lugar matapos na iwaglit iyon sa kanyang isipan. Pagdating sa parking lot ng building kung nasaan ang penthouse ni Gavin, ay ilang minutong nanatiling buhay ang makina ng kanyang sasakyan. Panay ang sulyap niya sa screen ng kanyang cellphone, hinihintay na makita ang pangalan ng kaibigang si Rina doon upang sabihin na nasa bahay na sila ng kanyang asawang si Zac.

“Hindi niya talaga ako sini-seryoso, sabi kong mag-chat siya sa akin kapag nasa bahay na sila eh. Bahala nga siya diyan kung ayaw niya akong bigyan ng update. Malaki na siya para alalahanin ko