Chapter 114.2

NAKANGITING SUMANDAL SI GAVIN sa headboard ng kama ng gabing iyon para magpahinga at magsindi na ng sigarilyo na nakaugalian niya ng gawin dati pa. Kakatapos lang nila ni Bethany na pagsaluhan ang mainit na gabi. Isa lang iyon sa mga gabi nilang pilit na sinusulit kahit na pagod sa trabaho si Gavin at abala naman sa pag-ayos ng magiging bagong music center niya ang dalaga. Tumagilid si Bethany paharap sa banda ni Gavin upang magtama ang kanilang mga mata. Gustong-gusto niyang makita na lumubog ang pisngi ng binata sa tuwing humihithit ito sa stick ng sigarilyo, lalo siyang pomo-pogi sa paningin niya na kung minsan ay napagtatanto niyang ang weird kung iisipin ng normal na tao. Ewan ba niya, nakadagdag pa talaga iyon ng pogi points dito. Sabay silang napatingin sa cellphone ni Gavin na nakapatong sa bedside table ng dalawang beses itong tumunog sign na may dumating na text o message at tuloy-tuloy na itong tumunog. Kinuha ito ni Gavin at tinignang mabuti habang patuloy lang sa paghithi