Chapter 40: Lihim na galit

"ANO ang ginawa mo sa silid ni Nicole?" nang-uusig na tanong ni Danica kay Rita. Bakas sa mukha nito ang pagkagulat nang makita siya.

"Ikaw pala, kinausap ko siya tungkol kay Kuya."

Nang-aarok ang tingin ni Danica sa kaibigan at hindi siya kumbinsido sa dahilan nito.

"Nahuli ko silang naghahalikan ni Kuya."

"What?!" Nadidilat ang mga mata ni Danica at hindi napigilan ang pagtaas ng boses.

"Kaya sinugod ko siya sa kaniyang silid upang ipamukha na katawan lamang niya ang habol ni Kuya Steven." Paliwanag ni Rita dito.

"Ang kapal talaga ng mukha niya! Hindi na niya ginalang ako bilang fiancee ng kapatid mo!"

"Huwag ka ng magalit, sa sinabi ko sa kaniya ay tiyak na natauhan na siya."

Napangiti si Danica nang mapansin ang pilyang ngiti sa labi ni Rita. Inakbay niya ito at isinama sa kaniyang silid.

"Sa tingin mo, natauhan na kaya siya?" Excited na tanong ni Danica kay Rita.

"Sa kapal ng mukha niya ay hindi iyon basta tablan ng katotohanan. Pero alam kong nabawasan ang confident niya." Kumpy