Chapter 42: Panganib sa buhay ni Rita

RAMDAM ni Danica ang malamig na pakikitungo sa kaniya ng mga magulang ni Nicole nang dalawin niya ang mga ito. Para siyang nabababliw na dahil pakiramdam niya lahat ng taong nakapaligid sa kaniya ay ramdam niyang nag-iba na ang tingin sa kaniya.

Pasalampak na naupo si Danica sa loob ng kaniyang silid. Naroon siya ngayon sa kaniyang sariling bahay. Kailangan niyang mag-isip at malaman ang kung ano na ang tunay na saloobin ng lahat sa kaniya. Nag-inum siyang mag-isa dahil para na siyang nababaliw sa kakaisip. Hindi niya kayang tanggapin na mawala na lang sa kaniya ang lahat ng pinaghirapan. Lalo na ang buhay na gustong marating at taong gustong makasama habangbuhay.

Hindi alam ni Rita kung nakailang oras na siya doon sa labas ng building kung saan naroon ang condominium ni Danica. Mula nang malaman niya ang tunay na pagkatao nito ay lagi na niyang sinusundan ito. Tinawagan niya ito ng mainip, kailangan niya pa ring umaktong kaibigan nito upang hindi ito mag-isip ng hindi maganda.

"Hello