Chapter 46: Proposal

"BAKIT bigla kang bumalik? May nangyari bang hindi maganda?" tanong ni Asuncion sa apo nang makapasok na sila sa kaniyang silid.

"Grandma, ano ang kasunduan sa pagitan ninyo ni Danica noon bago pa lumabas ang kambal kong anak?"

Halata sa mukha ng donya na guilty ito. "Bakit mo naitanong iyan?"

"Kailangan kong malaman, totoo bang may ibinigay kang kundisyon kay Danica para maikasal ako sa kaniya?"

Napabuntonghininga si Asuncion at nag-iwas ng tingin sa apo. Alam niyang pinakaayaw nito ay pinapakielaman niya ang buhay nito. "Alam mo naman na may problema siya sa ovary at ang estado ng angkan natin pagdating sa babae."

Hindi na kailangan ni Steven marinig ang eksaktong sagot sa abuela dahil sa narinig.

"Ayaw kong maputol sa iyo ang angkan natin. Mahalaga ang pagkaroon mo ng anak na siyang magdadala ng pangalan ng ating pamilya." Paliwanag ng donya sa apo nito.

"Naintindihan ko po at salamat sa pag-intindi sa kalagayan ko." Sinserong tugon nito sa abuela.

Hindi rin nagtagal si Steven sa