Chapter 47: Reunion

"MAGBABAGO ang plano, kailangang mabuhay si Rita upang maikasal kami ni Steven."

"Pero baka po ipagkanulo ka niya, Ma'am? Alalahanin mo na marami siyang alam at..."

"Alam ko ang ginagawa ko kaya sundin mo na lang kung ano ang gusto ko!" iritableng putol niya sa iba pang sasabihin ni Brando.

Ilang segundo ring hindi nakapagsalita si Brando. "Ano po ang plano mo ngayon?"

Napangisi si Danica nang mahamig sa tinig ni Brando ang pagsuko. Guwapo ang lalaki at bata pa, ramdam niyang may gusto ito sa kaniya kaya kahit ano ang sasabihin niya dito ay ginagawa nito.

"Huwag kang mag-alala, kayamanan lamang nila ang kailangan ko." Pagsisinungaling niya dito upang hindi na ito magdalawang isip na makipagtulongan sa kaniya.

Kailangan ni Danica si Brando na maging tapat sa kaniya. Magagamit niya rin ito balang araw bilang lalaki sa kaniyang buhay.

Napangisi si Brando at nagkaroon ng pag-asa.

"Gusto kong pagsamahin mo ngayon sina Rita at Nicole dahil kakausapin ko. Pero ang bata ay huwag mong hayaang