Chapter 37: Init ng katawan

"HINDI mo na kami kailangang ihatid at may susundo sa amin." Patuloy sa malamig na pakikitungo sa binata si Nicole.

Naiinis siya sa binata at dito sinisisi ang lahat kung bakit nagkawatak-watak ang mga anak niya. Naiinis din siya dahil hindi niya magawang itulak ito kay Danica at pakasalan upang makita na ang anak. May bahagi sa puso niya ang tumututol na hindi niya nagugustohan. Napaaga ang uwi nila ni Sean dahil dumating na si Gaven. Kailangan niya rin ng payo ng ama-amahan tungkol sa kundisyon na ibinigay ni Danica.

"Tatawagan ko si Kanor para hindi na siya mapagod sa pagsundo sa inyo."

"Hindi siya ang magsusundo sa amin." Pagmamatigas pa rin ni Nicole sa binata. Pwede naman na ito ang maghatid sa kanila kung gustohin niya, ngunit ayaw niya.

Igigiit pa sana ni Steven ang kagustohan ngunit pumasok ang katulong sa sala at kasunod nito ang isang lalaki.

"Daddy Gaven!" Sabik na tumakbo si Sean palapit sa lalaking bagong dating.

Naningkit ang mga mata ni Steven at nilukob ng selos ang b