Chapter 38: Critical condition

MATAPOS ang isang mainit na tagpo sa pagitan nila ng binata ay biglang nakaramdam ng pagkapahiya si Nicole. Mabuti na lang at wala na sa harapan niya ang binata dahil biglang naalala nitong may meeting ito. Kasama siya sa meeting pero hindi na siya pinapunta. Mahigpit ang bilin nito na huwag siyang lumabas ng opisina nito bago ito umalis kanina.

"Ayst, ano ginawa mo Nicole?" kausap niya sa kaniyang sarili habang inaayos ang buhok na nagulo.

Lalong mahirapan siya ngayon mailayo ang sarili sa binata dahil sa nangyari sa kanila. Lalong hindi niya makumbinsi ang lalaki ngayon na pakasalan nito si Danica. Nang maalala ang posibilidad na mangyari ay mabilis siyang tumayo at nilisan ang opisina ni Steven. Kailangan niyang bumili ng pills at makainum. Ayaw niyang magbunga muli ang pagkakamali at hindi pwede ngayong malapit na niya mahanap ang isa pang anak.

Matatalim ang tingin ni Danica na nakausnod kay Nicole. Alam niyang kanina pa ito sa opisina ni Steven at ayaw niyang isipin ang maaring