Kabanata 28

Habang papunta sila Sandy sa kwarto para magpalit ulit ay tinanong niya si Dwight, "Ikaw ba ang nakaisip ng theme ng pre-wedding photoshoot? Fan ka ba ng fantasy?"

Hindi naman nakita ni Sandy kung ano ang naging reaksyon ni Dwight dahil nasa likod siya habang tinutulak ang wheelchair ni Dwight kahit hirap siyang maglakad sa suot niyang gown.

"Mas preferred ko ang simple lang. Black and white, at walang masyadong design sa photoshoot."

"Kung ganon, sino ang nakaisip ng theme na fantasy?"

"Si mama. Gusto niya ay makulay at masaya ang paligid para mag-reflect sa litrato."

Napatango naman si Sandy. Akala niya ay si Dwight ang nakaisip. Sa personality nito hindi maiisip ni Dwight na ganung theme ang gawin sa photoshoot.

"Saka biglaan kung magdesisyon ang iyong ina, Dwight. Hindi ko alam na may ganito pala bago ang kasal."

"Actually nagulat rin ako kanina dahil wala rin akong alam. Akala ko ay diretso na sa paghahanda sa kasal, hindi pala. Ang aking ina kasi ay maraming alam sa gani