Kabanata 35

Lumakad palapit ng konti si Angelo sa higaan ng kanyang lolo.

"Huwag mong sabihin na hindi ka licensed doctor?!" May pagka-oa na sigaw ni Angelo kaya bahagyang napakislot si Agustin, pero nanatili pa ring nakapikit ang mata nito.

"Ingay mo naman. Sa tingin ko, sayo tumaas ang dugo ng lolo mo, dahil sa lakas ng boses mo."

"Huwag mong ibahin ang usapan! Hindi ka lisensyadong doctor?!"

Sa inis ni Sandy sa lakas ng boses nito na parang hindi lalaki ay initsa niya ang ID niya na lagi niyang dala kahit saan siya magpunta.

"O ayan, basahin mo ng mabuti. Pag hindi mo pa nakita ang sobrang laking word na 'licensed' diyan ewan ko na lang sa mata mo na maganda nga pero malabo."

Kinuha naman ni Angelo ang ID at sinuri iyon.

"Maganda ang pangalan mo, pero bakit iba ang ugali mo sa nakikita kong kahulugan sa pangalan mo."

"May sarili kang internet diyan sa mata mo para makita sa google ang kahulugan, galing a."

Lumingon si Sandy kay Agustin nang kumislot ito maging ang talukap ng mata h