Kabanata 31

Umismid si Dwight. "Bakit hindi mo naman sinabi na ganun ang theme ng photoshoot? Ginawa mo kaming character sa movie."

Malaking napangiti si Celeste na pumalakpak pa ng dalawang beses. "Ang ganda 'di ba! Kung hindi lang ako busy pupunta ako doon para makita ko na kayo agad, pero naisip ko rin na hihintayin ko na lang yung album para magulat talaga ako sa kinalabasan. Next ko namang paghahandaan ay ang kasal mo, anak."

Tipid na ngumiti si Dwight. "Matulog na tayo, Ma. Kailangan ko ng magpahinga at humiga sa kama dahil maghapon na akong naka-upo."

Tumayo si Celeste at tinulak ang wheelchair ni Dwight papasok sa kwarto nito.

Pagkalipas ng isang linggo...

Nakatayo si Sandy sa tabi ng puno sa labas ng bahay. Tila ang lalim ng iniisip nito dahil hindi man lang kumukurap ang mata na nakatingin sa lupa. Napapaisip siya sa nabasa niya sa records ni Dwight. Sobrang lapit na niya sa papel na ayaw niyang mabasa, pero habang papalapit siya doon ay fifty percent na ang result sa utak niya na