Epilogue

 

Isang maaliwalas na ekspresyon ang makikita sa mukha ni Lucas habang pinapanood sa lumang telebisyon ang balita tungkol sa pagkakadawit ni Anthony Ortega sa nangyaring pagkawala ng Luna y Estrella tiara. Nakalkal na rin ang kaso na nangyari limang taon na ang nakakalipas, kaya paniguradong magkakaroon ulit ng imbestigasyon tungkol sa bank heist na nangyari noon.

Habang nakaupo sa lumang sofa ng bahay nila, biglang tumunog ang phone niya. Nakatanggap siya ng isang mensahe mula kay Oscar, at hindi niya mapigilang mapangisi sa nabasa.

"Sa susunod na may gawin ka pa, huhulihin na talaga kita. Pero sa ngayon, quits na tayo."

Umiling-iling na lamang si Lucas habang tumatawa, bago napaliyad sa medyo maalikabok na sofa. Dahil sa pagkakaupo niya kaya tumama ang mga mata niya sa family picture na naka-frame at nakasabit sa pader ng sala ng luma nilang bahay. Bumalik siya doon para simulang alisin ang mga natirang gamit ng pamilya niya upang makalipat na si Eros at ang kapatid nitong s