Chapter Twenty Four

 

Lesser Evil

 

Nakatingin si Baron sa balanse ng bank account niya sa phone na hawak niya noong mga sandaling iyon. Hindi pa rin siya makapaniwala na halos kalahating bilyon na ang laman noon, at parang sasabog ang ulo niya habang iniisip kung paano gagamitin ang sobra-sobrang pera na meron siya.

Pagkalipas kasi ng halos dalawang linggo, nagawa nang maibenta nina Lucas at Jackson ang tiara. Bago pa man kasi nila makuha ang Luna y Estrella tiara ay abala na ang dalawa – lalo na si Jackson – sa paghahanap ng buyers. Napagdesisyunan nilang pagpira-pirasuhin ang tiara at gawin itong iba't-ibang alahas para mas madali nilang maibenta. Madali na iyong na-dispose sa black market at sa jewelry shop na pag-aari ni Jackson.

Dahil doon kaya nakuha na nilang pito ang kani-kanilang mga parte sa ninakaw nilang Luna y Estrella tiara. Umabot iyon ng kalahating bilyong piso matapos nilang i-convert ang milyon-milyong dolyar na nakuha nila.

Pero kahit pa tapos na ang trabaho ay patuloy