Chapter Five

 

A Dirty Trade

 

Pagkauwi galing sa shooting ng isang tv series kung saan siya kinuha bilang extra, ibinagsak ni Eros ang pagod na katawan sa sofa. Alas singko na siya ng umaga nakauwi ng bahay matapos siyang ihatid ng manager niya. Sa labas pa kasi ng Maynila ang location ng shooting kaya inabot rin ng ilang oras ang biyahe.

Ipinikit niya ang mga mata para sana umidlip, nang bigla niyang maramdaman na may biglang naupo sa tabi niya at yumakap sa katawan niya. Nang idilat niya ang mga mata, nasa tabi niya na ang nakababatang kapatid na si Apollo na sampung taong gulang pa lamang at ipinanganak na may autism.

"Good morning, Pol..." mahinang bati niya dito habang pinagmamasdan ang kapatid na mukhang inaantok pa.

Humikab lamang si Pol bago siya nginitian, pero hindi ito bumitaw sa pagkakayakap sa kanya. Napangiti na lamang siya at hinaplos ang ulo ng kapatid para tuluyan itong makatulog sa ibabaw ng mga hita niya niya. Ilang minuto lamang ang inabot bago muling naging mah