Book 8: Chapter 16-Pag-iwas

NAGMAMADALI si Amalia sa pag-alis ng opsina upang hindi siya maabutan ni Max. Gusto niyang iwasan ang binata muna dahil magulo pa ang kanyang isipan. Ang paghinga niya ng malalim pagkarating sa ground floor ay naudlot nang mapagsino ang lalaking nakatayo sa exit door. Huli na para siya ay umurong upang magtago.

"Maari ba tayong mag-usap?" Humarang si Anthony sa daraanan ni Amalia nang tangkang lampasan siya nito.

"Wala tayong dapat pag-usapan!" Matigas na tanggi ni Amalia sa binata. Sinipat niya ang kabuuan ng katawan ng lalaking kinabaliwan noon. Lumaki ang katawan at mukhang maayos ang trabaho ayon sa suot nito ngayon na pang office attire.

"Nasa kabilang building lang ang establamentong pinapasukan ko," paliwanag ni Anthony nang mabasa ang sa kung ano ang nasa isip ng dalaga. " Mag-usap tayo kahit para sa anak na lang natin." Pakiusap nito sa dalagang halatang ayaw siyang makita o makausap.

Naikuyom ni Amalia ang kanang kamao nang makaramdam ng inis sa kaharap. Gusto niyang bigyan