Book 8: Chapter 18-Tukso

"GOOD MORNING!"

Buo at malagom na tinig ni Max ang bumuhay sa natutulog niyang diwa. Napabalikwas pa siya ng bangong nang makita ang guwapong mukha ng binata na nakatunghay sa kanya.

"Huwag ka na munang pumasok at napagod kita ng husto kagabi." Pilyong ngumiti si Max at nasa mukha ang pagkamangha habang nakatitig sa kanya.

"Gosh, ang akala ko ay panaginip lang na dito ka natulog," naibulalas niya at hinuli ang braso ni Max. "Aalis ka na?" tanong niya dito nang masipat ang kasuutan ng huli. Nakabihis pang opisina ito at amoy niya rin ang pabango nito na gustong-gusto niyang amuyin.

"Yes, may meeting ako sa labas ngayong umaga kung kaya huwag ka na munang pumasok." Dumukwang siya sa harap ni Amalia at binigyan ito ng isang mabilis na halik sa labi. "I have to go, take a rest ok?"

"Pero hindi ka pa nakapag almusal." Tila natural na sa kanila ang kanilang relasyon at feeling ni Amalia ay mag-asawa na sila ni Max. Gusto pa niya sana itong makasama ng matagal sa silid na iyon lalo na at b