Book 8: Chapter 23-Masamang balak

"ANO ang ginawa mo sa kaibigan ko, Sir?" May bahid na takot ang boses ni Wigo at pinaglipat-lipat ang tingin kay Max at sa walang malay na kaibigan.

"Hinaan mo ang tinig mo at baka magising siya!" pabulong na sikmat ni Max kay Wigo.

"Gosh!" Naipaypay ni Wigo ang kaliwang kamay sa sariling mukha nang makumpirma na mali ang nasa isipan. "Tinakot mo ako, Sir! Kanina pang umaga ako nati-tense sa inyo ni Amalia dahil sa lintik na bulaklak na iyan!"

"May alam ka ba kung sino ang nasa likod ng taong nagpadala ng basurang iyan?"

Naantala ang paghawak ni Ashton sa paghawak palapulsohan ni Amalia pagkarinig sa galit na tinig ni Max. Nilingon niya ang dalawa at nakita niya ang pagtuwid ng katawan ni Wigo habang nakatitig kung saan nakaturo ang kamay ni Max. Basura ang tawag ng huli sa magagandang rosas na nakapatong sa lamesa. Natampal niya ang sariling noo at gustong batukan si Wigo dahil nadulas ang dila nito.

"You ordered him to investigate about that case, Sir." Si Ash na ang sumalo sa paliw