Book 9: Chapter 1-Wigo's past and present

KING inang buhay 'to oh!" naibulalas ni Wigo nang makaapak siya ng tae ng baka. Naroon siya ngayon sa isang lalawigan ng Iloilo upang mag imbistiga ukol sa rapest umano ng mga hayop.

"Wala na bang ibang kaso na mas malala pa dito?" Naisigaw niya sa kawalan dahil sa frustration. Muli siyang napayuko ng ulo at tiningnan ang nadumihang sapatos.

"Huli kang rapest ka!"

Daig pa ni Wigo ang natuklaw ng ahas nang pagtunghay niya ay ulo ng baril ang nakatutok sa kanyang mukha. "Anak ng tokwa, ako? Rapest? Sa poging kong ito?" Hindi makapaniwalang tanong niya sa kaharap habang tinuturo ang sarili.

"Tsss, kailan pa naging pogi ang rapest ng mga hayop?" tila nandidiring turan ng babaeng may hawak na baril.

Naikurap ni Wigo ang mga mata nang mabanaag ng bahagya ang mukha ng babae. Gabi na nang mga oras na iyon kung kaya madilim sa kinaroonan nila. Tanging liwanag mula sa buwan ang nagsisilbing ilaw na tumatanglaw sa kanila ngayon. At dahil nakatalikod sa liwanag mula sa buwan ang babae, hindi mal