Book 8: Chapter 27-Talas ng dila

"ANO ang problema, Joy?" iritableng tanong ni Nam sa pinsan nang magdabog ito sa kaniyang harapan.

"I hate her! Bakit siya pa? Marami namang mga babaing mas nababagay sa kaniya." Maktol ni Joy sa harapan ng pinsan.

"Pride na lang ang umiiral sa iyo kung bakit hindi mo mabitiwan si Max. Hindi mo matanggap na isang katulad ni Amalia lang ang ipinalit niya sa iyo."

Inirapan ni Joy ang pinsan dahil pinamumukhaan pa talaga siya nito. Tama ito, mas nangingibabaw ang pride sa kaniya ngayon at insulto sa kaniyang pagkababae na mas minahal ni Max si Amalia. Ang babaeng isang disgrayada at hindi pa nakakaangat sa buhay.

"Huwag mo nang hinataying makagawa ka ng kasalanan, Joy. Lalo mo lamang ibinababa ang iyong sarili dahil ipinipilit sa taong ayaw na sa iyo." Patuloy na paninirmon ni Nam sa pinsan.

Marahas na napabuga ng hangin sa bibig si Joy upang mabawasan ang paninikip ng dibdib dahil sa sama ng loob. May punto naman ang pinsan, maganda siya at may pera. Dagdag pang may tinapos sa magandang