Book 8: Chapter 15-May mahal ng iba

"Ok ka Lang?" Hinawakan ni Jolina sa balikat ang kaibigan nang mapansing nakapikit ito ng mga mata.

"Bigla lang sumakit ang ulo ko." Nanatili siyang nakayuko at inilayo ang sarili sa kaibigan.

"Ah kaya ba absent ka kahapon dahil—"

"Pwede bang mamaya na lang tayo mag-usap?" mahinahon niyang pagtataboy sa babae.

Banaag sa mukha ni Jolina ang pagkalito at pag-alala kay Amalia. Nang mapagtantong wala sa mood makipag-usap ang huli ay tumalikod na siya at iniwan ito.

Mabilis niyang isinubsob ang mukha sa lamesa nang wala na ang kausap. Ilang minuto pa ay narinig niyang bumati ang nasa malapit sa kaniya sa isang taong ayaw niya rin sana munang makita. Ngunit kailangan niyang maging propisyonal at isantabi ang sariling damdamin dahil nasa trabaho siya. Pinatigas ni Amalia ang anyo nang marinig ang papalapit na yabag sa kaniyang pwesto.

"Bakit mo ako tinakasan?"

Kahit hindi niya sulyapan ay kilala ni Amalia ang kung sino ang nagsalita.

Nangunot ang noo ni Max nang matalim na titig ni Amalia