Chapter 92: The Path She Chose

“SAAN GALING ITO, Yana?” hindi makapaniwalang tanong ng mama niya nang iabot niya rito ang bente mil.

Ngumiti si Yana. “‘Ma, huwag niyo na pong isipin kung saan galing iyan. Dapat nga po'y maging masaya na kayo dahil may pambayad na tayo ng upa natin kay Aling Isabel. Hindi na po natin kailangan mabahala at hindi na rin po tayo mapapalayas dito. Huwag po kayong mag-alala, aabutan ko pa po kayo sa mga susunod na araw. May panggastos na rin po tayo kay bunso.”

Ilang araw ng nasa ospital ang bunsong kapatid ni Yana dahil may sakit itong dengue. May natanggap naman silang tulong sa kanilang mayor subalit hindi pa rin iyon sapat kaya ngayon ay nagsusumikap si Yana para may panggastos sila.

“Anak, bakit ayaw mong sabihin sa akin ang trabahong pinasok mo? At isa pa, noong isang araw mo lang tinanggap ang raket na inalok sa ‘yo ni Kristin kaya paano ka kumita ng ganitong kalaking halaga sa loob lamang ng dalawang a—”

“Hindi na po iyon mahalaga, ma—”

“Mahalagang malaman ko kung saan ka nag