Chapter 102: Secret Admirer

“ALING TERESA, BAKA gusto mo pong bumili ng mga lutong ulam. Masasarap po ang mga ito…” masayang alok ni Yana sa matandang kapitbahay nila.

“Naku, nakapagtanghalian na kami, eh, Yana. Pero hayaan mo, bukas na bukas ay bibili ako sa ‘yo.”

“Maraming salamat po, Aling Teresa.”

Tumango ang matanda bago ito nagpatianod habang si Yana ay patuloy na nagtatawag ng mga mamimili para sa itinayo nila ng papa niya na karinderya. Dahil sa malaking halaga na ibinayad sa kaniya ng lalaki noong nagdaang araw, napagpasyahan ni Yana na gawin iyong negosyo at patubuin iyon sa pamamagitan nang pagtayo ng karinderya—katulad ng gusto ng mama niya noon. Pero dahil salat sila sa pera, naging pangarap lang iyon ng mama niya kaya ngayon ay tinupad iyon ni Yana.

Maraming tindang mga ulam si Yana. Mabuti na lang at natuto siyang magluto kaya naitayo niya ang negosyong ito. Noong nabubuhay ang mama niya, palagi siya nitong tinuturuang magluto kaya naman natuto si Yana na nagamit niya ngayon para sa kaniyang negos