Chapter 107: Welcome Home

NAKIPAGKASUNDO SI YANA kay Parker na siya lang ang tanging isama nito sa bahay nila sa kadahilanang siya lang naman ang rason kaya siya nito gustong makasama dahil inako na agad nito ang nasa sinapupunan niya kahit hindi pa siya sigurado na si Parker nga talaga ang ama nang dinadala niya.

Noong una'y ayaw pa ni Parker dahil desidido talaga itong isama si Inigo at papa niya sa bahay nila dahil ayaw raw siya nitong maging malungkot. Pero hindi pumayag si Yana. Nahihiya siya sa pamilya ni Parker kaya mas pinili na lang niyang manatili si Inigo at papa niya sa bahay nila. Nangako naman siya na palagi siyang bibisita sa kanila. Tutol ang papa niya noong una pero pumayag na rin ito nang mangako si Parker dito na aalagaan siya nito sa bahay nila.

Kaya ngayon, lulan na si Yana sa kotse ni Parker. Nasa passenger seat siya, sa tabi mismo ni Parker na seryosong nagmamaneho ng sasakyan nito. Bahagyang naiilang si Yana kaya hindi siya makatingin nang diretso sa lalaki. Nakamasid lang siya sa laba