Chapter 104: Sign

ILANG ARAW NG masama ang pakilasa ni Yana—ilang araw na rin siyang hindi nakapagtinda ng mga lutong ulam. Hindi na niya alam ang mga nangyayari sa kaniya pero sa tuwing napapabalikwas siya mula sa malalim na pagkakatulog ay ura-urada siyang napapatakbo sa banyo upang doo’y sumuka.

“Anak, mas maigi kung magpa-check up ka ng sa gayon ay malaman mo ang nangyayari sa ‘yo,” suhestyon ng papa niya nang makalabas siya sa banyo habang pinupunasan ang sulok ng mga labi niya.

Kakasuka niya lang pero puro laway lang naman ang inilalabas niya kaya takang-taka si Yana kung ano na nga ba talaga ang nangyayari sa kaniya ngayon.

“‘Pa, masama lang po ang pakilasa ko kaya hindi ko na po kailangang magpa-check up pa. Ayos lang po ako. Itutulog ko lang po ‘to. Sana bukas ay maayos na ako para makapagtinda na po tayo.”

Tumango ang papa niya. Subalit kita niya sa mukha nito na hindi ito sang-ayon sa desisyon niya.

Bumuntong-hininga si Yana at naiiling na nilapitan ang papa niya. “‘Pa, ayos lang po ta