Chapter 98: Pulled By A Stranger

DAHIL SA TAKOT ni Yana na madamay ang kaniyang pamilya, mas pinili na lang niyang manahimik kaysa isiwalat ang katotohanan. Mahal ni Yana ang pamilya niya, at mahal din niya si Kristin, subalit sa kanila, mas matimbang pa rin ang pamilya niya. Masakit man ang ginawa niyang pananahimik, ngunit iyon lang ang naisip ni Yana upang mas makasama pa nang matagal ang pamilya niya.

Ilang buwan na rin ang nakalipas magmula nang makatakas si Yana sa mga sindikato. Ilang buwan na rin ang nakakalipas nang mawala ang mama niya at magpahanggang ngayon ay patuloy niya pa ring sinisisi ang sarili. Tama ang Kuya Fernando niya, siya nga ang may kasalanan kung bakit namatay ang mama nila at habang-buhay iyong dadalhin ni Yana.

Gayunpaman, sa dinami-rami ng mga nangyari, nagpatuloy pa rin si Yana sa buhay. Bumalik siya sa pagpópókpok para mabuhay ang kaniyang pamilya. Tanging si Inigo at ang papa na lang niya ang kasama niya dahil lumayas na ang Kuya Fernando niya sa bahay nila. Siguro ay tama lang ang