Chapter 87: The Final Act

ILANG LINGGO NA ang nakalipas nang maging maayos ang lahat. Gumaan na ang puso ni Cathy ngayon dahil bumalik na sa normal ang buhay nila. Kung hindi pa mawawala ang mga taong nagpapalala pa lalo sa sitwasyon, hindi pa matitigil ang matinding gulo at galit sa isa't-isa.

Sa loob ng ilang linggong lumipas, walang nangyaring kakaiba sa buhay nila. Si Miriam ay tuluyan nang nawala at hindi na nagparamdam pa kaya naibalik na ang kapayapaan sa pamilya nila. Ito na lang naman ang hadlang sa kanila at mabuti na lang ay mas pinili nitong lumayo. Tahimik na at wala nang mahihiling pa si Cathy.

Si Sigmud naman, wala na siyang balita sa lalaking iyon. Maigi na rin iyon na nagpakalayo ito para mapagtanto nito ang pagkakamaling nagawa nito. Isa lang ang mahihiling ni Cathy para rito—iyon ay sana'y mahanap ni Sigmud ang tunay na pag-ibig na hinahanap nito. Hindi man sa kaniya, pero sa ibang babae na magmamahal dito nang walang hangganan.

“Dr. Catherine, maraming-maraming salamat po at naging maayos