Chapter 85: Reconciliation

KINABUKASAN, NANG MAGISING si Cathy ay wala na si Phoenix sa kaniyang tabi. Tinanggal niya ang kumot na nakatabing sa kaniyang katawan at napangiti siya nang makitang bihis na siya. Hindi na siya nagulat, alam niyang binihisan siya ni Phoenix.

Nangingiting bumaba si Cathy sa kama at dumiretso sa banyo saka naglinis. Nang matapos ay bumaba na rin siya. Malayo pa siya sa kusina pero narinig na niya agad ang ingay sa kusina. Ano kayang nangyayari roon?

May kunot-noong pumasok si Cathy sa kusina at napa-amang siya nang makita ang triplets, ang ama ng mga ito, at si Manang Sally na abala sa island counter habang may kung ano-anong ginagawa.

Umiling si Cathy bago lumapit sa mga ito.

“You're awake. How was your sleep?” nakangiting tanong ni Phoenix sa kaniya.

“Ayos naman. Mabuti nga at hindi ko dinamdam iyong nangyari kagabi,” tugon niya.

Abala pala ang mga ito sa pagdedekorasyon ng mga pagkain. Si Parker, gumagawa ng paborito nitong sushi habang katuwang si Manang Sally. Si Cora naman ay di