Chapter 81: The Kiss

ILANG ARAW NA nang matapos ang gala pero magpahanggang ngayon ay hindi pa rin makalimutan ni Cathy ang inakto ni Miriam. Isa lang ang malinaw sa kaniya ngayon, baliw na ito. Hindi normal ang galaw nito—baka nga pati ang utak. Ibang Miriam ang nakausap niya nang gabing iyon kaya malakas ang kutob niya na baliw na ang babaeng iyon.

“Mommy, can I come with you?” mayamaya pa'y untag sa kaniya ni Parker.

Ngumiti si Cathy sa anak. “Baby, I told you, you can't. Napag-usapan na natin ito, ‘di ba?”

Nasa pangangalaga niya si Parker ngayon. Matapos ang isang linggo kay Phoenix, siya naman ang nag-alaga rito. Salitan silang dalawa ni Phoenix, linggo-linggo nila hinahati ang pag-aalaga sa kanilang anak.

“Pero kapag si daddy po, anytime ay puwede po akong pumasok sa ospital,” nakangusong sambit ni Parker bago bumakas sa mukha nito ang kalungkutan.

Ngumiti si Cathy. “Magkaiba kasi kami ng daddy mo, Parker. I'm a doctor there, right? I work at the hospital all day. Meanwhile, your daddy is usually th