Chapter 14: Selos

KANINA PANG PAIKOT-IKOT si Cathy subalit hindi pa rin niya mahanap si Sigmud. Pagkatapos nang pag-uusap nila kaninang umaga ay bigla na lang itong naglaho na parang bula.

“Tinatawagan ko siya pero hindi siya sumasagot. Nagri-ring naman iyong cellphone niya. Bakit kaya, Cathy?” Maski si Johanna ay naguguluhan din sa biglang inakto ni Sigmud.

Umiling si Cathy. “Hindi ko rin alam, Johanna. Sa dalawang buwan ko rito sa ospital, ngayon lang yata siya umalis na hindi man lang nagsasabi sa akin. Nasanay kasi ako na sa tuwing aalis siya, nagpapaalam siya sa akin.”

“Baka naman nagseselos,” turan ni Johanna na mabilis na ikinabaling ni Cathy rito.

“Selos? Saan siya magseselos?” natatawang tanong ni Cathy sa kaibigan kapagkuwan ay muling tinawagan ang numero ni Sigmud at sa pagkakataong iyon ay unattended na ang linya nito. “He turned off his phone.” Bumuga nang marahas na hangin sa bibig si Cathy bago dismayadong umiling.

“Kay Phoenix, I think,” usal ni Johanna.

Mahinang tumawa si Cathy. “I do