Chapter 17: Caught in the Act

“LETSE TALAGA ANG matandang hukluban na iyon! Mommy, bakit mo naman hinayaan na maging kasambahay nila tayo? Look at us now! Ugh, I can't imagine wearing this ugly uniform. Hindi bagay sa akin!” iritadong asik ni Laura habang naghuhugas ng mga plato.

“Wow, bakit parang sinisisi mo ako? Eh, pareho lang naman natin itong ginusto, ‘di ba? Kung hindi ka sumali, e ‘di sana'y wala ka rito. Pakialamera ka rin talaga minsan, Laura. Tiis-tiis na lang, dalawang araw na lang at matatapos na rin itong pagdudusa natin,” wika naman ni Matilda habang nagba-vacuum ng sahig.

Dahil sa ginawa nilang mag-ina kina Helen at Pipita, pinarusahan silang dalawa ni Beatrice. Kung gusto pa nilang manatili sa mansyon, kailangan nilang maging kasambahay ng limang araw. At kung ayaw naman nilang tanggapin ang parusa, palalayasin silang dalawa sa mansyon.

At dahil wala na silang pagpipilian, kahit masakit sa loob ng mag-ina ay pinili pa rin nilang maging kasambahay dahil kung hindi nila tatanggapin iyon ay hindi ni