Chapter 19: Bribe

“MOMMY, ‘DI BA favorite flower mo iyon?” nakangiting tanong ni Cora sabay turo sa mga nakahilerang tulips.

“Yes, baby.”

“Mommy, puwede po bang bumili tayo?”

“Sure, baby. Ilan ba ang gusto mo?”

“Five po, mommy.”

Nakangiting tumango si Cathy kapagkuwan ay kumuha ng limang pirasong tulips sa mga nakahilera. Nang bayaran niya ang mga ito, masayang iniabot iyon ni Cathy sa anak.

“Ano naman ang gagawin mo riyan, baby?”

“Secret, mommy,” nakabungisngis na tugon ni Cora na ikinailing na lang ni Cathy.

Inaya na niya ang anak papasok ng mall kung saan naghihintay sina Carlos at Chase. Sabado kaya day off ni Cathy sa pagtatrabaho. Ganito sila tuwing Sabado, inilalabas niya ang mga anak niya at nagkataon naman na walang trabaho ang Kuya Carlos niya kaya sinama na niya ito.

Single lang ang Kuya Carlos niya at mas ginusto na lang nitong alagaan ang mga pamangkin nito kaysa maghanap ng mapapangasawa para bumuo ng pamilya. Tutol ang magulang nila sa desisyong iyon ni Carlos at namatay pa ang mga ito